ლამაზი ნამზეური მომხიბვლელობის და მოდურობის სინონიმად იქცა. ლამაზი რუჯის მიღება ისე, რომ კანი არ დავაზიანოთ, არც ისე ადვილია. მზე ძვლებზე, კბილებსა და კანზე დადებითად მოქმედებს, თუმცა, ამავდროულად შეიძლება ნაადრევი დაბერება, ან კანის კიბო გამოიწვიოს. ამიტომ, აუცილებელია, რომ გარუჯვამდე სპეციალისტების რეკომენდაციები გავითვალისწინოთ.
ყველამ კარგად იცის, რომ უპირველეს ყოვლისა მზეზე გასვლამდე მზისგან დამცავი კრემი უნდა წაისვას. კრემი ყოველ 45 წუთში ერთხელ უნდა განვაახლოთ. თანაბარი რუჯი კანს უფრო მიმზიდველს ხდის, ფერად ტანსაცმელშიც უფრო მომხიბვლელად გამოვიყურებით, მაგრამ როგორ ავიცილოთ თავიდან მზის დამწვრობა, ან საცურაო კოსტუმისგან დატოვებული თეთრი ზოლები?
რამდენიმე რჩევის გათვალისწინება საშუალებას მოგცემთ ამ პრობლემებს უფრო მარტივად გაუმკლავდეთ.
1. დაატენიანეთ თქვენი კანი. ტენიანი კანი უფრო ადვილად და ლამაზად ირუჯება, ვიდრე მშრალი.
2. ყოველთვის თან ატარეთ მზისგან დამცავი ლოსიონი.
3. შეარჩიეთ საცურაო კოსტუმი, რომელიც თქვენს სხეულს მინიმალურად დაფარავს. სასურველია, დღის განმავლობაში საცურაო კოსტუმები შეიცვალოთ, რომ რუჯი მთელს სხეულზე თანაბრად გადანაწილდეს.
4.მზის სხივები პირდაპირ არ უნდა გეცემოდეთ. ასეთ შემთხვევაში მზისგან დამწვრობის მიღების რისკი იზრდება.
5.ყველაზე თანაბარი რუჯის მისაღებად კარგია, თუ სანაპიროზე დაწოლის ნაცვლად იმოძრავებთ. შეგიძლიათ ისეირნოთ, ითამაშოთ მეგობრებთან ერთად და ა.შ. ასეთი ,,აქტიური’’ გარუჯვისას კანი ფერს ისეთ ადგილებშიც შეიცვლის, სადაც, ნამზეურის მიღება უფრო რთულია, მაგალითად მკლავების შიდა მხარეს. თან ასე კუნთებსაც გაიმკვრივებთ და ფორმას შეინარჩუნებთ.
