ჰერპესის ვირუსი
ჰერპესის ვირუსი
allmedic
ჰერპესის ვირუსი
ჰერპესის ვირუსი
ჰერპესის ვირუსი

ამინდის ცვლილებასთან ერთად გაციება და სურდო თანდათან უფრო ბევრი ადამიანის პრობლემა ხდება.

  • ცემინება;
  • ხველა;
  • ცხვირიდან გამონადენი;
  • ყელის ტკივილი;

ამ სიმპტომებს, როგორც წესი, ვირუსები იწვევენ, რომლებიც ორგანიზმში ცხვირი, ყელის, პირის, სასუნთქი გზების საშუალებით აღწევენ. გაციება როგორი სახითაც არ უნდა გამოვლინდეს, სხვადასხვა მიზეზის გამო შეიძლება დაემართოს ადამიანს. განსაკუთრებით გავრცელებულია ჰერპესის ვირუსი. იგი პირდაპირი კონტაქტის საშუალები ვრცელდება. ჰერპესის ვირუსის ორი ტიპი არსებობს. ჰერპესის დროს ტუჩთან თეთრი ბუშტუკები ჩნდება, რომელიც მტკივნეულია. იგი დაახლოებით ერთი კვირის მანძილზე გრძელდება.

ვირუსით ხშირად ადრეულ ასაკშივე ინფიცირდებიან. იგი ფიზიკური კონტაქტის შედეგად გადადის (კანზე შეხებით). შეიძლება, ადამიანი თავად არ დავადდეს, მაგრამ ამ გზით ვირუსი მაინც გაავრცელოს. მეორე ტიპის ჰერპესი ინტიმური კავშირის შედეგად გადადის. ამერიკის შეერთებული შტატების 20% მეორე ტიპის ჰერპესითაა დაავადებული. მათი უმეტესობა:

  • არიან ქალები;
  • ჰყავდათ ბევრი სექსუალური პარტნიორი;
  • პირველი სქესობრივი კავშირი ადრეულ ასაკში დაამყარეს;
  • აქვს (ან ჰქონია) სქესობრივი გზით გადამდები სხვა დაავადება;
  • დაქვეითებული აქვს იმუნიტეტი.

როგორც ზემოთ აღვნიშნეთ, ჰერპესი შეხებით გადადის. პირველი ტიპის ვირუსით შეიძლება დაავადდეთ:

  • კოცნის დროს;
  • კანზე შეხებით (ხელი, ლოყა...);
  • ნივთების გაზიარებით (ტუჩსაცხით, საპარსით...).

 

ჰერპესით შეიძლება ახალშობილიც დაავადდეს, თუ დედაა ინფიცირებული. თუ მშობიარობა დედის იმ დროს ხდება, როცა დედას მეორე ტიპის ჰერპესის პირველი გამოვლინება აქვს, პატარას ჯანმრთელობის სერიოზული პრობლემები შეიძლება გაუჩნდეს.

 

ვირუსისგან განკურნება შეუძლებელია! პირველი გამოვლინების შემდეგ ვირუსი კანიდან ნერვულ ქსოვილებს გადაეცემა და იქ სამუდამოდ რჩება. ჩვეულებისამებრ, ადამიანები მას ფარულად ატარებენ. ასეთ დროს შეიძლება ითქვას რომ ვირუსს ,,სძინავს,’’ თუმცა, მისი აქტივაცია ნებისმიერ დროსაა მოსალოდნელი.

რამ შეიძლება ხელახლა გააქტიუროს ჰერპესის ვირუსი?

  • სტრესმა;
  • გაციებამ;
  • მზის გამოსხივებამ;
  • მენსტრუალურმა ციკლმა;
  • ავადმყოფობამ.

 

ვირუსის გამოვლენა სისხლის ანალიზის საშუალებითაც შეგიძლიათ.

ჰერპესი ნებისმიერ ადამიანს დისკომფორტს უქმნის.  რა შეიძლება გავაკეთოთ?

  • შეგიძლიათ იმკურნალოთ ანტივირუსული პრეპარატებით;
  • დაიდეთ ყინული ბუშტუკების ადგილას;
  • შეეცადეთ მოერიდოთ ჰერპესის გამოვლენის სტიმულირებას: სტრესს, მზის დამწვრობას და ა.შ.

 

საერთოდ, კი სასურველია, ყველა ადამიანმა დაინფიცირებამდე მიიღოს ზომები რომ ვირუსი არ გადაედოს. ინფიცირებულებმა კი თვითონ უნდა იფრთხილონ რომ ვირუსი არ გაავრცელონ:

  • მოერიდეთ კოცნას და კანზე შეხებას;
  • არ გამოიყენოთ ინფიცირებული ადამიანის ნივთები;
  • ნუ დაკავდებით ორალური სექსით;
  • გყავდეთ ჯანმრთელი სქესობრივი პარტნიორი;
  • მისდიეთ ჯანსაღ ცხოვრების წესს;
  • იკვებეთ სრულფასოვნად;
  • დიდხანს იყავით სუფთა ჰაერზე;
  • მოერიდეთ სტრესს და უარყოფით ემოციებს.
allmedic