არ არსებობს მზა სავარჯიშო პროგრამა, რომელიც თქვენზე იდეალურად იქნება მორგებული. ქალების უმრავლესობას პრობლემური ზონები გააჩნია. ზოგიერთს ასეთი ადგილების დათხელება სურს, ზოგს პირიქით - მომატება. ასეთ შემთხვევებში გამოცდილ ტრენერს უნდა მიმართოთ, რომელიც სავარჯიშო პროგრამას ინდივიდუალურად შეგირჩევთ, თუმცა, თუ მოინდომებთ, ამის გაკეთება თავადაც შეგიძლიათ. სანამ ვარჯიშს დაიწყებთ, უნდა განსაზღვროთ, რომელია თქვენთვის პრობლემური ადგილები.

თუ თქვენი ,,პრობლემური ზონა’’ თეძოებია, ხოლო წელს ზემოთ გამხდარი ხართ, თქვენ ,,მსხლის'' ფორმის ტანი გაქვთ. თქვენთვის იდეალური იქნება სწრაფი ტემპით სიარული, ველოსიპედით სეირნობა.

რაც შეეხება ვარჯიშის ტიპებს: ჩაჯდომები, წინ ფეხით ჩასვლის ვარჯიშები.

ისეთი ტიპის სხეულისთვის, რომლის მკერდის, წელის და თეძოს პროპორციები თითქმის ერთნაირია, კარდიო ვარჯიში მიზანშეწონილი არაა. ასეთი ვარჯიში მათ კიდევ უფრო დააკლებინეს წონაში. კარგი იქნება თუ ყურადღებას ძალოვან ტრენინგზე გაამახვილებენ. თითოეული კუნთის ჯგუფისთვის კვირაში ერთხელ მაინც ივარჯიშეთ - გაანაწილეთ დღეები მხრების, ზურგის, ფეხების ვარჯიშისთვის.

თუ თქვენი სხეული ,,ქვიშის საათის'' ფორმისაა, ნამდვილად გაგიმართლათ! ასეთი ტიპის ქალებს მკერდი და თეძოები ერთი და იგივე ზომის აქვთ, ხოლო წელი - გამოკვეთილია.  სხეულზე ცხიმი თანაბრადაა გადანაწილებული და წონაში კლებაც თანაბრად მიმდინარეობს.

,,ქვიშის საათის’’ მქონე ქალებისთვის კარგია როგორც კარდიო ვარჯიშები, ასევე ძალოვანი ტრენინგი. შეგიძლიათ ვარჯიშში მრავალფეროვნება შეიტანოთ და სურვილის მიხედვით შეცვალოთ ხოლმე.

სასურველია, ვარჯიშის პროგრამა ყოველ 6-8 კვირაში შეცვალოთ. შედეგის მისაღებად აუცილებელია, რომ სწორ კვებასაც მიაქციოთ ყურადღება (,,სწორი კვება'' და არა ,,დიეტა'').  თუ ვარჯიშებს გულმოდგინედ გააკეთებთ და კვირაში 4-5 დღეს მაინც დაუთმობთ ამ საქმიანობას, შედეგს ერთ თვეში დაინახავთ.