სამედიცინო დიაგნოზი „რძიანა“ არ არსებობს. მაშინ რატომ განიხილავენ ამ დაავადებას თქვენს გარშემო? რატომ აცხადებენ , რომ განკურნებადია და რატომ იყენებს ამ არასამედიცინო ტერმინს ხალხის უმრავლესობა?  

„რძიანა“ - ეს არის საზოგადოდ გავრცელებული სახელი. მეცნიერულად მას ქვია ვაგინალური კანდიდოზი. კანდიდოზი აქვს ქალების 25 % -ს  და ის უსიმპტომოდ მიმდინარეობს მათში. როცა Candida  სწრაფად მრავლდება უკვე ხდება ინფექციის განვითარება. ეს ვაგინაური ინფექცია ერთხელ მაინც აქვს გადატანილი ქალების 75 %-ს  , განმეორებით ხდება მათ ნახევარში და რეციდივი შეიძლება მისცეს 3 - ჯერ წელიწადში 5 % -ს.

Candida - ს სოკოების გამრავლების მიზეზები :

1.      ჰორმონალური ფონი ორსულობის ან მენსტრუაციის დროს;

2.      შაქრიანი დიაბეტი;

3.      დაღლილობა , სტრესი, იმუნური სისტემის დაქვეითება;

4.      ანტიბიოტიკებით ხანგრძლივი მკურნალობა;

5.      ჰიგიენური საშუალებების გამოყენება (საპონი, სუნამო, დეოდორანტი) ;

6.      მჭიდრო ტანსაცმელი, სინთეტიკური საცვლები;

სოკოვანი ინფექციები არ გადაეცემა სქესობრივი კავშირით. ვაგინალური კანდიდოზი შეიძლება განუვითარდეთ როგორც სქესობრივად აქტიურ ქალებს , ისე პირიქით.

ვაგინალური კანდიდოზის ყველაზე გავრცელებული სიმპტომებია:

1.      წვა და ქავილი. ინტენსურმა ქავილმა შეიძლება გამოიწვიოს ადგილობრივი მიდამოს გაღიზიანება.

2.      თეთრი გამონადენი;

3.      ტკივილი სქესობრივი აქტის დროს ან შემდეგ;

4.      სიწითლე და გაღიზიანებადობა გარეთა სასქესო ორგანოების.

ეს დაავადება ითვლება ძალიან მზაკვრულად, რადგან შეუძლებელია დიანოზის დასმა სხვა ინფექციური  დაავადებების გამორიცხვის გარეშე. აუცილებელია , როცა მოხდება ვაგინალური კანდიდოზის სრული მკურნალობა, სვა დაავადებების გამორიცხვაც.

ამ უსიამოვნო დაავადების სიმპტომები , როგორც წესი გამოვლინდება მენსტრუალური ციკლის დაწყების წინ,  ერთი კვირით ადრე. დაავადებას შეიძლება მოყვეს გართულებები, ამიტომ აუცილებელია მიაკითხოთ ექიმს დროულად !