მუცელი ქალებში ერთ-ერთი ყველაზე პრობლემური ზონაა. აქ ცხიმები ძალიან ადვილად ლაგდება და მათი მოშორება კი ძალიან რთულია. ზედმეტი მასა ამ ადგილას ადვილად შესამჩნევია და არასრულყოფილი სხეული ქალს თავდაჯერებულობას აკარგვინებს. გარდა ამისა, ზედმეტი წონა არც ჯანმრთელობისთვისაა სასარგებლო. სიმსუქნე ადამიანში დიაბეტს, გულის დაავადებებს, სხვადასხვა სახის კიბოს იწვევს. ძალიან ბევრი სავარჯიშო არსებობს მუცლის არეში ცხიმის რაოდენობის შესამცირებლად. იოგა ერთ-ერთი ყველაზე ეფექტური და ჯანმრთელობისთვის სასარგებლო მეთოდია. თანაც ამ ვარჯიშების შესრულება ნებისმიერ ადამიანს შეუძლია. თუმცა, უნდა იცოდეთ, რომ მხოლოდ იოგას ვარჯიშები სასწაულს ვერ მოახდენენ. თქვენი წარმატების 70% კვებაზეა დამოკიდებული.
1. კობრას პოზა - ეს პოზა მუცლის კუნთებს ამაგრებს და ცხიმებს წვავს. იგი, აგრეთვე, აძლიერებს სხეულის ზედა ნაწილს და ზურგს უფრო ძლიერს და მოქნილს ხდის.
- დაწექით მუცელზე გაჭიმული ფეხებით, ხელისგულები დადეთ მხრების სიგანეზე.
- შეეხეთ ნიკაპით და ყველა თითით იატაკს;
- ნელა ამოწიეთ მკერდი ზევით და გადაიხარეთ უკან რამდენადაც შეგიძლიათ;
- შესაძლებლობის მიხედვით ამ პოზაში გაჩერდით 15-30 წამის განმავლობაში;
- დაეშვით იგივე მიმართულებით ქვემოთ და მიიღეთ საწყისი მდგომარეობა;
- გაიმეორეთ ეს მოძრაობა 5-ჯერ 15 წამიანი შესვენებებით;
- ნუ გააკეთებთ ამ ვარჯიშს თუ ორსულად ხართ, გაწუხებთ წყლული, თიაქარი; ზურგის ან ხერხემლის დაზიანება.
2. ეს პოზა მუცლის პრესს ამაგრებს. გარდა ამისა, სასარგებლოა საჭმლის მომნელებელი სისტემისთვის, ებრძვის ყაბზობას და მუცლის ლამაზ მოყვანილობას შეგიქმნით.
- დაწექით მუცელზე, ფეხები მოხარეთ მუხლებში და ზემოთ ასწიეთ;
- ხელები წაიღეთ ზურგს უკან, მოკიდეთ საკუთარ ტერფებს და ზევით მოზიდეთ;
- ეცადეთ, აზიდოთ თქვენი თავი და ფეხები რაც შეიძლება მაღლა;
- შეეცადეთ ამ პოზაში გაჩერდეთ 15-30 წამის განმავლობაში და თანაბრად ისუნთქოთ;
- დაეშვით საწყის პოზიციაზე;
- გაიმეორეთ ეს მოძრაობა 5-ჯერ 15 წამიანი ინტერვალებით.
3. შემდეგი პოზა ცხიმებს წვავს წელის არეში, ამაგრებს ფეხის კუნთებსა და ზურგს.
- დაწექით ზურგზე გაშლილი ფეხებით. ფეხები მიადგით ერთმანეთს და დაჭიმეთ;
- წამოიწიეთ ზევით და ამავდროულად ასწიეთ ფეხებიც (ყურადღება მიაქციეთ მუხლებს - ისინი უნდა იყოს გამართული)
- შეეცადეთ ფეხები ასწიოთ რაც შეიძლება მაღლა; ყველა კუნთი მაქსიმალურად უნდა იყოს დაჭიმული;
- ამ პოზიციის შენარჩუნებისას შეეცადეთ თითებით ფეხის წვერს შეეხოთ. შეინარჩუნეთ 450-იანი კუთხე;
- ისუნთქეთ თანაბრად და ამ პოზაში გაჩერდით 15 წამის განმავლობაში.
- გაიმეორეთ ეს მოძრაობა 5-ჯერ 15 წამიანი ინტერვალებით.
4. იოგას ეს პოზა ყველაზე უფრო რთულია და ძალიან ეფექტური მუცლის ცხიმების დასაწვავად. იგი აძლიერებს მხრებს, მკლავებს, ზურგს და საჯდომის კუნთებს.
- დაეყრდენით ხელებს; ფეხის წვერებით გადადგით ნაბიჯი უკან და გამართეთ ფეხები;
- სხეული მთლიანად უნდა გაიმართოს და ხელისგულები გქონდეთ მხრების სიგანეზე;
- დაჭიმეთ მუცლის პრესი;
- თქვენი თავიდან ქუსლებამდე მთელი სხეული ერთ ხაზზე უნდა იყოს. დარწმუნდით, რომ ხელის თითები გაშლილია და მყარად დგახართ იატაკზე;
- ამ პოზაში შეჩერდით 15-30 წამის განმავლობაში. მეტი ეფექტის მისაღებად სასურველია გაჩერდეთ რაც შეგიძლიათ დიდხანს;
- დაეშვით მუხლებზე;
- გაიმეორეთ მოძრაობა 5-ჯერ 15 წამიანი ინტერვალებით.
*ნუ გააკეთებთ მოძრაობას თუ გაწუხებთ წნევა, მხრების ან ზურგის ტკივილი.
იოგას ვარჯიშები სხეულს სხვადასხვა დაავადებისგან განკურნებაში ეხმარება, ნივთიერებათა ცვლის პროცესს აწესრიგებს და სხეულის ფორმებს ხვეწს.
ბოლო ვარჯიში:
- დაწექით ზურგზე, ფეხები გამართეთ და ხელები გვერდზე დაიწყეთ;
- ქუსლები ერთმანეთს უნდა ეხებოდეს;
- ამოსუნთქვისას მუხლები მოხარეთ და მკერდთან მიიტანეთ;
- იმისათვის რომ მუხლები სწორედ გააჩეროთ და პოზა შეინარჩუნოთ, დაიხმარეთ ხელები;
- ამ მდგომარეობაში გაჩერდით 90 წამის განმავლობაში;
- გაათავისუფლეთ ფეხები, კვლავ დაწექით და ხელისგულები დააწყვეთ იატაკზე;
- ეს ვარჯიშიც 5 ჯერ გაიმეორეთ 15 წამიანი შუალედებით.
მეტაბოლიზმის დაჩქარებისთვის ამ ვარჯიშების შესრულება სასურველია დილით.
ივარჯიშეთ ყოველდღიურად. შეგიძლიათ, კვირაში ერთი დღე დაისვენოთ. შედეგს თავად იგრძნობთ.
ამ ყველაფერს თუ სწორ კვებასაც დაამატებთ, მთელი დღის განმავლობაში თავს უფრო ენერგიულად და მხნედ იგრძნობთ, დაიკლებთ წონაში, ფორმები უფრო გამოგეკვეთებათ და ჯანმრთელობის მდგომარეობაც გაგიუმჯობესდებათ.
