ულტრაბგერითი დიაგნოსტიკა არის შინაგანი  ორგანოების არაინვაზიური კვლევის მეთოდი, რომელიც იმართება ულტრაბგერითი ტალღების მეშვეობით.  ამ მეთოდს უჭირავს ერთ- ერთი წამყვანი პოზიცია თანამედროვე მედიცინაში.

რატომ არის ულტრაბგერითი დიაგნოსტიკა ასეთი პოპულარული?

- არის არაინვაზიური კვლევის მეთოდი;

- ხელმისაწვდომია;

- არის საკმაოდ მარტივი პროცედურა;

- ის შეიძლება ჩავიტაროთ არაერთხელ;

ულტრაბგერითი გამოკვლევების ჩატარებით, შესაძლებელია მთელი რიგი დაავადებების გამოვლენა და შემდგომში მათი მკურნალობა. ესენია: გულ-სისხლძარღვთა, საჭმლის მომნელებელი, შარდ-სასქესო სისტემის დაავადებები. ასევე შეგვიძლია მივიღოთ მნიშვნელოვანი ინფორმაცია გინეკოლოგიურ, ონკოლოგიურ ნევროლოგიურ და ოფთალმოლოგიურ დაავადებებზე.

ულტრაბგერითი გამოკვლევები ხდება შემდეგ სისტემებზე:

- მცირე მენჯის ღრუს ორგანოები;

- ვაგინალური კვლევა;

- სამეანო კვლევა;

- მუცლის ღრუს ექოსკოპია;

- თირკმლები, შარდსაწვეთი, შარდის ბუშტი, და ნარჩენი შარდი;

- წინამდებარე ჯირკვალი, ვეზიკულები;

- გარეთა სასქესო ორგანოები: სათესლე ჯირკვლები, დანამატები, ასოს მღვიმოვანი სუბსტანცია;

- სარძევე ჯირკვლები, იღლიის ფოსოები, ლავიწზედა და ლავიწქვედა ფოსოები.