ზოგადად მშრალი კანი არ წარმოადგენს პრობლემას, მაგრამ ის შეიძლება დისკომფორტს იწვევდეს და ნაოჭების ადრეულ წარმოქმნას უწყობდეს ხელს.

გარდა გენეტიკური მიდრეკილებისა, მშრალი კანი ისეთმა გარემო ფაქტორებმაც შეიძლება განაპირობოს, როგორიცაა:

• ამინდი (დაბალი ტემპერატურა და ტენიანობა)
• სიცხე (ცენტრალური გათბობა)
• ცხელი აბაზანა ან შხაპი
• საპნები, შამპუნები და სხვა მსგავსი საშუალებები
• მზის გამოსხივება
• სხვადასხვა დაავადებები, რომლებიც იწვევენ კანის გაღიზიანებასა და გამოშრობას

ძირითადად კანის სიმშრალე დროებითია, ვლინდება მხოლოდ ზამთარში ან ზედმეტი სიცხის დროს.

ზოგადად სიმპტომატიკა შემდეგნაირია:

• კანის დაჭიმულობის შეგრძნება, განსაკუთრებით შხაპის მიღების ან ცურვის შემდეგ
• ქავილი
• აქერცვლა (სხვდასხვა ხარისხით)
• ზედაპირული ნაოჭები ან ნახეთქები
• ნაცრისფერი, ფერფლისებრი კანი მუქი ფერის ადამიანებში
• სიწითლე
• ღრმა ნახეთქები, სისხლდენის ალბათობით

მკურნალობა მიმართულია კანის სიმშრალის განმაპირობებელი მიზეზის და სიმპტომების შემსუბუქებისაკენ.