ფილტვების ქრონიკული ობსტრუქციული დაავადება (ფქოდ)
ფილტვების ქრონიკული ობსტრუქციული დაავადება (ფქოდ)
allmedic
ფილტვების ქრონიკული ობსტრუქციული დაავადება (ფქოდ)
ფილტვების ქრონიკული ობსტრუქციული დაავადება (ფქოდ)

ფილტვების ქრონიკული ობსტრუქციული დაავადება ფლტვების ქრონიკული ანთებითი დაავადებაა, რომელიც იწვევს სასუნთქი გზების გამავლობის შემცირებას.

განვითარებულ ქვეყნებში დაავადების ძირითადი გამომწვევი თამბაქოს მოხმარებაა. განვითარებად ქვეყნებში თამბაქოს ემატება მანქანებისა თუ საწარმოების მიერ დაბინძურებული ჰაერი.

ფქოდ-ის სიმტპტომები გამოვლინდება მხოლოდ ფილტვის ქსოვილის მნიშვნელოვანი ნაწილის დაზიანების შემდეგ. დაავადებისთვის დამახასიათებელია:

  • სუნთქვის უკმარისობა, განსაკუთრებით ფიზიკური დატვირთვისას.
  • ხმაურიანი სუნთქვა
  • გულმკერდის არეში მოჭერის შეგრძნება
  • მუდმივი ხველა ნახველით, რომელიც შეიძლება იყოს როგორც გამჭვირვალე, ასევე თეთრი, ყვითელი ან მომწვანო
  • თითებისა და ტუჩების სილურჯე (ციანოზი)
  • სასუნთქი გზების ხშირი ინფექციები
  • ენერგიის ნაკლებობა
  • წონის კლება (მოგვიანებით სტადიებში)

ფქოდ-ითვის დამახასიათებელია დაავადების გამწვავების პერიოდები, რომელიც გასტანს რამდენიმე დღეს.

ფილტვების ქრონიკული ობსტრუქციული დაავადების დიაგნოსტირებისათვის საჭიროა კომპლექსური კვლევების ჩატარება, რომელთა რიცხვშია:

  • ფილტვის ფუნქციური სინჯები
  • გულმკერდის რენდგენოლოგიური კვლევები
  • კომპიუტერული ტომოგრაფია
  • არტერიულ სისხლში აირების განსაზღვრა

დაავადების კომპლექსურობიდან გამომდინარე, მკურნალობაც მრავლისმომცველია. უპირველეს ყოვლისა უნდა შეწყდეს თამბაქოს მოხმარება, რათა შემცირდეს თავად საჰაერო გზების მუდმივი დაბუნძურება და გაღიზიანება.

მედიკამენტოზური მკურნალობა გულისხმობს: სასუნთქი გზების გამაფართოებელი საშუალებების გამოყენებას; ანთების შესამცირებლად საჭიროა გამოყენებული იქნას სტეროიდები (ჰორმონი), როგორც საინექციო, საინჰალაციო, ასევე ორალური სახის.

ბაქტერიული ინფექციის არსებობის შემთხვევაში გამოიყენება სხვადასხვა სახის ანტიბიოტიკები.

მედიკამენტების გარდა ტარდება სხვადასხვა მეთოდები, როგორებიცაა ფილტვების ჟანგბადით თერაპია და ფილტვების აღდგენითი თერაპია.

შორსწასულ შემთხვევებში შესაძლოა საჭირო გახდეს ქირურგიული ჩარევა:

  • ფილტვის მოცულობის შემცირება, რათა გაადვილდეს სუნთქვა და შეიქმნას დამატებითი სივრცე ფილტვის მოძრაობისათვის.

თუკი ფილტვები ძლიერ დაზაინებულია, მაშინ მიმართავენ ფილტვის ტრანსპლანტაციას.

allmedic