შემართებელქსოვილოვან დაავადებებს მიეკუთვნება: წითელი მგლურა, სკლეროდერმა და პოლიმიოზიტი.

დაავადების ზუსტი გამომწვევი მიზეზი უცნობია, თუმცა მიეკუთვნება ავტოიმუნური დაავადებების ჯგუფს ანუ ადამიანის იმუნური სისტემა ჯანსაღ უჯრედს აღიქვამს უცხოდ და ებრძვის მას.

შემაერთებელქსოვილოვანი დაავადებებისათვის დამახასიათებელი სიმპტომებია:

• ზოგადი ცუდად ყოფნის შეგრძნება, რომელსაც შეიძლება თან ახლდეს დაღლილობის შეგრძნება და ცხელება
• ცივი და გრძნობადაქვეითებული ხელისა და ფეხის თითები (რეინოს ფენომენი)
• შეშუპებული თითები ან ხელები
• კუნთებისა და სახსრების ტკივილი
• გამონაყარი

დაავადების დიაგნოზის დასმა ხდება პაციენტის ჩივილების მოსმენით, დათვალიერებით და სისხლის სპეციფიური ანალიზებით.

მკურნალობა გულისხმობს:

• კორტიკოსტეროიდებს (მაგ. პრედნიზოლონი, ანთების შესამცირებლად)
• მალარიის საწინააღმდეგო საშუალებებს (გამოიყენება მსუბუქი ფორმების დროს და სავარაუდოდ ამცირებს რეციდივებს)
• კალციუმის ბლოკატორებს (ამცირებს კუნთების ტონუსს და შეიძლება დადებითი ეფექტი იქონიოს რეინოს ფენომენზე)
• სხვდასხვა იმუნოსუპრესორულ (იმუნიტეტის დამაქვეითებელი) მედიკამენტებს

დაავადების სიმწვავიდან გამომდინარე მკურნალობას შეიძლება ჰქონდეს პერიოდული ან მუდმივი ხასიათი.