მენჯის ღრუს ქრონიკული ტკივილი ეწოდება ტკივილს, რომელიც გრძელდება 6 თვეს ან მეტს. იგი შეიძლება  მრავალმა მიზეზმა გამოიწვიოს, მათ შორის ძირითადია:

რეპროდუქციულ სისტემასთან დაკვაშირებული პრობლემები

• ენდომეტრიოზი, როდესაც საშვილოსნოს ქსოვილი მის გარეთ იწყებს ზრდას 
• ადენომიოზი, როდესაც საშვილოსნოს ამომფენი ლორწოვანი გარსი ჩაიზრდება მის კუნთოვან შრეში 
• საშვილოსნოს ფიბროიდები (არაავთვისებიანი წარმონაქმნები)
• შეხორცებები ან ნაიარევები, რომლებიც ინფექციის ან ქირურგიული ჩარევის შემდეგ გაჩნდა.

ასევე, საშარდე ან საჭმლის მომნელებელი სისტემის დაავადებები

• გაღიზიანებული ნაწლავის სინდრომი
• შარდის ბუშტის ანთება

დამახასიათებელი სიმპტომებია:

• მუდმივი და ძლიერი ტკივილი
• დროგამოშვებით ტკივილი
• მჭრელი ან სპაზმური ტკივილი
• ზეწოლის ან სიმძიმის შეგრძნება მენჯის ღრუში
• მტკივნეული სქესობრივი კავშირი
• ტკივილი შარდვისას ან კუჭის მოქმედებისას

დიაგნოზის დასმა ხდება პაციენტის ჩივილების გამოკითხვის, გასინჯვის და სხვადასხვა კვლევებით, რომლებიც გამოავლენენ ტკივილის გამომწვევ მიზეზს.

მკურნალობა მიმართულია გამომწვევის წინააღმდეგ და ტკივილის შემსუბუქებისაკენ.