თავის ტვინის უამრავი დაავადება არსებობს, ესენია: ინფექციები, კრუნჩხვები, ტრავმები, ინსულტი, სიმსივნეები და ა.შ.

თავის ტვინის ინფექციებია: მენინგიტი (თავის ტვინის გარსის ანთება. ვლინდება თავის ტკივილით, კისრის დაჭიმულობით, ცხელებით და სხვა სიმპტომებით), ენცეფალიტი (თავის ტვინის ქსოვილის ანთება, ძირითადად ვირუსული ინფექციით განპირობებული), აბსცესი (ჩირქოვანი კერა, ბაქტერიული ინფექციით განპირობებული).

კრუნჩხვები ძირითადად ახასიათებს ეპილეფსიას  - დაავადებას, რომელიც გამოწვეულია თავის ტვინის არანორმალური და ზედმეტი ელექტრული აქტივობით.

არსებობს სამი ფორმის თავის ტვინის ტრავმა:

• ტვინის შერყევა, რომელიც იწვევს ცნობიერების დროებით დაქვეითებას, ახასიათებს თავის ტკივილი და მეხსიერებასთან დაკავშირებული პრობლემები
• თავის ტვინის ტრავმული  დაზიანება, რომელიც თავის ქალას ტრავმით არის განპირობებული და ახასიათებს ქცევის უმნიშვნელო დარღვევიდან დაწყებული მენტალობის მძიმე დარღვევით დამთავრებული სიმპტომები
• ქალასშიდა სისხლჩაქცევა, გამოწვეული ტრავმით ან მაღალი წნევის შედეგად (ინსულტი)

თავის ტვინის სიმსივნეები (იხ. შესაბამისი თემა)