თავბრუსხვევა უეცრად განვითარებული შეგრძნებაა თითქოს ირგვლივ ყველაფერი ტრიალებს.

თავბრუსხვევა უხშირესად ყურის პრობლემებთან არის დაავშირებული:

• კეთილთვისებიანი პაროქსიზმული პოზიციური თავბრუსხვევა  
• მენიერის დაავადება
• ვესტიბულური ნევრიტი (ლაბირინთიტი)

თავბრუსხვევის მიზეზი შემდეგი მდგომარეობებიც შეიძლება იყოს:

• თავის ან კისრის დაზიანება
• თავის ტვინის დაზიანება - ინსულტი ან სიმსივნე
• გარკვეული მედიკამენტები, რომლებიც ყურის დაზიანებას იწვევს
• შაკიკი

თავბრუსხვევის პროვოცირებას უხშირესად თავის მდებარეობის შეცვლა იწვევს.

თანმხლები სიმპტომები შეიძლება იყოს:

• გულისრევა
• თვალის კაკლების უნებლიე მოძრაობები (ნისტაგმი)
• თავის ტკივილი
• ოფლიანობა
• ზუზუნი ყურებში ან სმენის დაკარგვა.

სიმპტომები რამოდენიმე წუთიდან რამოდენიმე საათამდე შეიძლება გაგრძელდეს.

თავბრუსხვევის მკურნალობა მისი გამომწვევი მიზეზის აღმოჩენასა და აღმოფხვრას გულისხმობს. მიზეზის მოცილების შემდეგ თავბრუსხვევა უხშირეს შემთხვევაში თავისით უკუგანვითარდება.

ზოგიერთ შემთხვევაში თავბრუსხვევის მოსახსნელად შეიძლება საჭირო გახდეს:

• ვესტუბულური რეაბილიტაცია
• სპეციალური მანევრები ანუ ვარჯიშები
• მედიკამენტების გამოყენება

ქირურგიული ოპერაცია.