საშვილოსნოს ყელის კიბო საშვილოსნოს ქვედა ნაწილში, საშოსთან მოსაზღვრე უბანში განვითარებული სიმსივნური პროცესია. საშვილოსნოს ყელის კიბოს განვითარებაში ადამიანის პაპილომავირუსი და სქესობრივად გადამდები ინფექციები მონაწილეობენ.

გამომწვევი ფაქტორების ზემოქმედების შედეგად საშვილოსნოს ყელის უჯრედების უკონტროლო გამრავლება და სიმსივნური მასის ჩამოყალიბება ხდება. სიმსივნური მასა მეზობელი ქსოვილებისა და შორს მდებარე ორგანოების დაზიანებასაც იწვევენ.

არსებობს საშვილოსნოს ყელის კიბოს ორი ტიპი:

• ბრტყელ-უჯრედული კარცინომა
• ადენოკარცინომა.

ადრეულ ეტაპზე დაავადებას უსიმპტომო მიმინარეობა ახასიათებს. უფრო შორს-წასულ სტადიაზე შემდეგი სიმპტომები ვითარდება:

• სისხლდენა სქესობრივი კავშირის შემდეგ, პერიოდებს შორის ან მენოპაუზის შემდეგ;
• წყლიანი, სისხლიანი გამონადენი, რომელიც ჭარბი რაოდენობით შეიძლება იყოს და ჰქონდეს მყრალი სუნი;
• ტკივილი მენჯის არეში ან სქესობრივი აქტის დროს.

საშვილოსნოს ყელის კიბოს დროული დიაგნოსტიკისთვის რეკომენდებულია პროფილაქტიკური გასინჯვის პერიოდული ჩატარება 21 წლის ასაკის შემდეგ. პროფილაქტიკური გამოკვლევები მოიცავს:

• პაპ ტესტს (ნაცხის აღება საშვილოსნოს ყელიდან)
• პაპილომავირუსის დნმ-ის ტესტი.

საშვილოსნოს ყელის კიბოზე ეჭვის შემთხვევაში დიაგნოსტიკისათვის შემდეგი გამოკვლევები ტარდება:

• ბიოფსია
• საშვილოსნოს ყელიდან ნაცხის აღება (ენდოცერვიკალური კურეტაჟი).

მკურნალობა მოიცავს:

• ქირურგიულ ოპერაციას
• სხივურ თერაპიას
• ქიმიოთერაპიას.