საშარდე სისტემის ინფექცია საშარდე სისტემის ნებისმიერ ნაწილში - თირკმელი, შარდსაწვეთი, შარდის ბუშტი, შარდსადენი - განვითარებულ ინფექციას ეწოდება. უხშირეს შემთხვევაში საშარდე ინფექცია აღნიშნული სისტემის ქვედა ნაწილებში ვითარდება.

ყველაზე ხშირი გამომწვევი ბაქტერიაა, კერძოდ, ნაწლავის ჩხირი.

საშარდე სისტემის ინფექციისათვის ზოგადად შემდეგი სიმპტომებია დამახასიათებელი:

• შარდვის ძლიერი მოთხოვნილება
• წვის შეგრნება შარდვის დროს
• ხშირი და მცირე ულუფებად შარდვა
• შემღვრეული შარდი
• წითელი, აგურისფერი ან კოკა-კოლას შეფერილობის შარდი
• მძაფრი სუნის მქონე შარდი
• ქალებში - ტკივილი მენჯის არეში, განსაკუთრებით მის ქვედა ცენტრალურ ნაწილში

თირკმლის ანთების შემთხვევაში გამოხატულია:

• ტკივილი გვერდისა და წელის არეში
• მაღალი სიცხე
• შემცივნება
• გულისრევა
• ღებინება

შარდის ბუშტის ანთების შემთხვევაში:

• სიმძიმე მენჯის არეში
• ხშირი მტკივნეული შარდვა
• სისხლი შარდში

შარდსადენის ინფექციის შემთხვევაში:

• წვის შეგრძნება შარდვის დროს
• გამონადენის არსებობა.

საშარდე სისტემის ინფექციის დიგნოზი  შემდეგი გამოკვლევების საფუძველზე დგინდება:

• შარდის ანალიზი
• შარდის დათესვა ბაქტერიების გამოსავლენად
• რენტგენოგრაფია, კომპიუტერული ტომოგრაფია ან მაგნიტურ-რეზონანსული გამოკვლევა
• ცისტოსკოპია - შარდის ბუშტის დათვალიერება.

მკურნალობა მედიკამენტურია და ანტიბიოტიკებისა და ტკივილგამაყუჩებელი საშუალებების გამოყენებას მოიცავს.