თრომბოციტოპენია ეწოდება სისხლში თრომბოციტების (სისხლის შედედებაში მონაწილე უჯრედების) რაოდენობის შემცირებას.
თრომბოციტოპენიის გამომწვევი მიზეზები მრავალფეროვანია:
- ლეიკემია (სისხლის ავთვისებიანი დაავადება)
- ანემია (სისხლის წითელი უჯრედების ნაკლებობა)
- ვირუსული ინფექციები, მაგალითად C ჰეპატიტი ან ადამიანის იმუნოდეფიციტის ვირუსი
- ქიმიოთერაპიული მედიკამენტები
- ალკოჰოლის ჭარბი მოხმარება
- ელენთის (მუცლის ღრუს ორგანო) პათოლოგიები
- აუტოიმუნური სისტემური დაავადებები
- სისხლის ინფექცია (ბაქტერიემია)
- თრომბოციტოპენიური პურპურა
- ჰემოლიზურ-ურემიული სინდრომი.
თრომბოციტოპენია შემდეგი სიმპტომებით და ნიშნებით ხასიათდება:
- ადვილად განვითარებული სისხლჩაქცევები
- წვრილ-წერტილოვანი სისხლჩაქცევები კანზე (პეტექიები)
- ჭრილობიდან სისხლდენის გახანგრძლივება
- ღრძილებიდან და ცხვირიდან სისხლდენა
- სისხლდენა განავალში ან შარდში
- ჭარბი მენსტრულაური სისხლდენა
- დაღლილობა
- გადიდებული ელენთა
- სიყვითლე
დიაგნოზის დასადგენად შემდეგი გამოკვლევები ტარდება:
- სისხლის ანალიზი
- დეტალური ფიზიკური გასინჯვა.
მსუბუქი თრომბოციტოპენია მკურნალობას არ საჭიროებს.
სიმპტომური თრომბოციტოპენიის შემთხვევაში მკურნალობა შემდეგ ღონისძიებებს მოიცავს:
- გამომწვევი მიზეზის გამოვლენა და მკურნალობა
- თრომბოციტების გადასხმა
- მედიკამენტების გამოყენება
- ქირურგიული ოპერაცია (ელენთის ამოკვეთა)
