როზაცეა კანის დაავადებაა, რომელიც სიწითლითა და მასზე განვითარებული პატარა, ჩირქის შემცველი ბუშტუკებით ხასიათდება.

როზაცეას გამომწვევი მიზეზი უცნობია, მაგრამ ვარაუდობენ, რომ ის გენეტიკური და გარემოს ფაქტორების ერთობლივი ზემოქმედების შედეგია.

მაპროვოცირებელ ფაქტორებს მიეკუთვნება:

• ცხელი საკვები და სასმელი
• ცხარე საკვები
• ალკოჰოლი
• მაღალი ან დაბალი ტემპერატურა
• მზის სხივები
• სტრესი, სიბრაზე
• დაძაბული ვარჯიში
• ცხელი აბაზანა ან საუნა
• კორტიკოსტეროიდების მიღება
• მედიკამენტები, რომლებიც სიხლძარღვების გაფართოვებას იწვევს, არტერიული წნევის დამწევი საშუალებები

როზაცეასთვის დამახასიათებელი სიმპტომებია:

• სახის სიწითლე
• წითელი წვრილი გამონაყარი (აკნეს მსგავსი), რომლიც ზოგჯერ ჩირქს შეიცავს
• თვალის სიმშრალე და შეშუპება, თვალის სიწითლე
• ცხვირზე კანის გასქელება.

დიაგნოზი ძირითადად გამონაყრის დათვალიერებას ეყრდნობა.

მკურნალობა ხდება ანტიბიოტიკებითა და აკნეს სამკურნალო პრეპარატებით.