პერიფერიული ნეიროპათია პერიფერიული ნერვული სისტემის დაზიანების შედეგად ვითარდება და ვლინდება კიდურებში სისუსტის, დაბუჟებისა და ტკივილის შეგრძნებით.
იგი შეიძლება გამოიწვიოს:
- ალკოჰოლიზმმა
- აუტოიმუნურმა დაავადებებმა
- დიაბეტმა
- ტოქსინებმა
- მედიკამენტებმა
- ინფექციებმა
- მემკვიდრეობითმა დაავადებებმა
- ნერვის ტრავმამ ან მასზე ზეწოლამ
- სიმსივნეებმა
- ვიტამინების ნაკლებობამ
- ძვლის ტვინის დაავადებებმა
- ღვიძლის, თირკმელების ან ფარისებრის დააავადებებმა.
იქიდან გამომდინარე, რომ თითოეულ ნერვს კონკრეტული ფუნქცია გააჩნია, მისი დაზიანება სპეციფიურ სიმპტომებს იწვევს:
- თანდათანობითი გაბუჟებისა და ჩხვლეტის შეგრძნება ხელებსა და ფეხებში
- მჭრელი, მწველი ტკივილი
- გაძლიერებული მგრძნობელობა შეხებაზე
- კოორდინაციის ნაკლებობა
- კუნთების სისუსტე ან სრული პარეზი
- სიცხის აუტანლობა და ოფლის გამოყოფის დარღვევა
- კუჭ-ნაწლავისა და შარდის ბუშტის პრობლემები
- წნევის ცვლილებები, რაც იწვევს თავბრუსხვევას
დიაგნოზის დასმა ნევროლოგიურ კვლევასთან ერთად ეფუძნება ნერვების ფუნქციონირების შემსწავლელ კვლევებს.
მკურნალობის მიზანს წარმოადგენს არსებული მდგომარესობის გაუმჯობესება და სიმპტომების შემსუბუქება.
