შაკიკი
შაკიკი
allmedic
შაკიკი
შაკიკი

შაკიკური თავის ტკივლისთვის დამახასიათებელია პულსაციის შეგრძნება თავის ერთ კონკრეტულ არეში, რომელსაც ხშირად თან სდევს გულისრევის შეგრძნება ან ღებნება და გაძლიერებული მგრძნობელობა სინათლისა და ხმაურის მიმართ.

შაკიკის შეტევები გრძელდება საათების ან დღეების განმავლობაში. ამ დროს ადამიანი ცდილობს ჩაბნელებული, წყნარი ადგილის მოძებნას და დაწოლას.

ზოგჯერ შაკიკს წინ უსწრებს ე.წ. „აურა“ - თვალწინ გაელვება, ბნელი ლაქები, ჩხვლეტა კიდურებში - ადამიანი გრძნობს შეტევის მოახლოებას.

შაკიკის გამომწვევი ზუსტი მიზეზები უცნობია, თუმცა შემდეგი ფაქტორები გამშვები მექანიზმის როლს თამაშობენ:

  • ჰორმონული ცვლილებები ქალებში
  • საკვები (მარილიანი, დაკონსერვებული)
  • საკვები დანამატები
  • სასმელები (ალკოჰოლი, კოფეინის შემცველი)
  • სტრესი
  • სენსორული გამღიზიანებლები (ხმაური, სუნი)
  • ჩვეული ძილ-ღვიძლის ფაზების დარღვევა
  • გადამეტებული ფიზიკური აქტივობები
  • გარემოს ცვლილებები (ამინდი, წნევა)
  • წამლები (მაგ. ნიტროგლიცერინი)

შაკიკი შეიძლება ნებისმიერი ასაკის ადამიანს აწუხებდეს.  

შაკიკის განვითარებას ახასიათებს ოთხი ეტაპი:

პროდრომი, რომლის დროსაც შეიმჩნევა:

  • შეკრულობა
  • დეპრესია
  • საკვების შეზიზღება
  • ჰიპერაქტიურობა
  • დაბნეულობა
  • კისრის დაჭიმულობა
  • უკონტროლებელი მთქნარება

ამას მოსდევს ე.წ. აურა, რომელიც ინდივიდუალურად ვლინდება  ყველა ადამიანში და შესაძლოა მოიცავდეს სხვადასხვა მხედველობით თუ სხვა მხრივ შეგრძნებებს.

აურას უშუალოდ მოსდევს შეტევა, რომელიც გრძელდება 4-დან 72 საათამდე და რომლის სიხშირეც მეტად განსხვავებულია. ამ დროს ადამიანებს აღენიშენებათ:

  • თავის ცალმხრივი ან ორმხრივი ტკივილი
  • პულსაციური ხასიათის ტკივილი
  • მგრძნობელობა სინათლის მიმართ, სუნებისა და ხანდახან ხმების მიმართ
  • გულისრევა/ღებინება
  • დაბინდული მხედველობა
  • თავბრუსხვევა

ბოლოს კი იწყება ე.წ. პოსტდრომული ფაზა, რომლის დროსაც ადამიანი თავს სრულიად გამოცარიელებულად და ენერგიისაგან დაცლილად გრძნობს.

დიაგნოზის დასმა ხდება პაციენტის ჩივილების მოსმენით და ნევროლოგიური შემოწმებით.

სამწუხაროდ, შაკიკის განკურნება შეუძლებელია. სიმპტომების შესამსუბუქებლად გამოიყენება სხვადასხვა სახის ტკივილგამაყუჩებლები, გულისრევის საწინააღმდეგო პრეპარატები და სხვა სიმპტომური საშუალებები.

allmedic