ტილი მომცრო ზომის, უფრთო პარაზიტია, რომელიც იკვებება ადამიანის სისხლით. ტილები განსაკუთრებით გავრცელებული სკოლის ასაკის ბავშვებშია.

არსებობს რამდენიმე სახის ტილი:

• თავის
• ტანის
• საზარდულის

მათი გავრცელება უკავშირდება პირადი ჰიგიენის წესების დაუცველობას. გადაცემა ხდება უშუალოდ ტილთან ან მის კვერცხებთან შეხებისას შემდეგ სიტუაციებში:

• თავი-თავთან ან სხეული-სხეულთან კონტაქტისას
• ტილებით დაინფიცირებული ნივთების ერთმანეთთან ახლოს შენახვისას, მაგ.: კარადაში, საკიდზე და ა.შ.
• ნივთების გაზიარება მეგობრებსა და ოჯახის წევრებს შორის, მაგ.: სავარცხელი, თმის სამაგრი, ბალიში და ა.შ.
• სქესობრივი კონტაქტი

ტილების არსებობის შესახებ მიგვანიშებს შემდეგი სიმპტომები:

• ძლიერი ქავილი
• მათი მოძრაობით გამოწვეული უსიამოვნო შეგრძნება
• ტილებისა და მისი კვერცხების თმებში, ტანსაცმელსა და სხვა ადგილებზე დანახვა
• პატარა წითელი გამონაყარი თავზე, კისერსა და მხრებზე

ტილებს ებრძვიან სპეციალური შამპუნების, ლოსიონების და პრეპარატების საშუალებით სახლის პირობებში.