უნაყოფობა განისაზღვრება, როგორც დაფეხმძიმობის შეუძლებლობა მიუხედავად მუდმივი, დაუცველი სქესობრივი კავშირისა ერთი წლის განმავლობაში.

უნაყოფობა შეიძლება განპირობებული იყოს თანდაყოლილი ან შეძენილი პრობლემებით, როგორც ქალებში, ასევე მამაკაცებში.

მამაკაცებში უნაყოფობას განაპირობებს:

• სპერმის წარმოქმნასთან, ფუნქციონირებასთან და გადაადგილებასთან დაკავშირებული პრობლემები
• სხვადასხვა ქიმიური, რადიაციული თუ ტოქსიკური ნივთიერებების ზემოქმედება
• სასქესო ორგანოების დაავადებები, განსაკუთრებით სიმსივნე

ქალებში უნაყოფობა განპირობებულია:

• ოვულაციის დარღვევებით
• სასქესო ორგანოების თანდაყოლილი ან შეძენილი დაავადებებით
• ფარისებრი ჯირკვლის პრობლემებით
• და სხვ.

უნაყოფობის მკურნალობა ხანგრძლივი და ძვირადღირებული პროცესია, რომელიც მოიცავს მრავალ დიაგნოსტიკურ კვლევას როგორც ქალბატონში, ასევე მამაკაცში.

მკურნალობის გზა, ისევე როგორც პრობლემის გამომწვევი მიზეზი მრავალფეროვანია.

მამაკაცებში ის შეიძლება გულისხმობდეს:

• სასქესო სისტემის ინფექციების მკურნალობას
• სქესობრივ აქტთან დაკავშირებული პრობლემების მკურნალობას
• ჰორმონული დისბალანსის მოწესრიგებას
• საჭიროებისას ქირურგიულ ჩარევას

ქალებში მკურნალობა მიმართულია:

• ოვულაციის სტიმულირებისაკენ სხვადასხვა მედიკამენტებით
• ხელოვნური განაყოფიერებისაკენ
• საჭიროებისას ქირურგიულ ჩარევისკენ

ამასთანავე, აუცილებლად გასათვალისწინებელია, რომ ხშირად უნაყოფობა ფსიქოლოგიური პრობლემაა, ამიტომ არ უნდა დაგვავიწყდეს ფსიქოლოგიური დახმარებაც.