ჰიპერტენზია მდგომარეობაა, როდესაც სისხლი მომატებული წნევით აწვება სისხლძარღვის კედლებს და საბოლოოდ ჯანმრთელობის მხრივ პრობლემებს, მაგალითად, გულის დაავადებას იწვევს.

ჰიპერტენზია შეიძლება იყოს:

• პირველადი - როცა მიზეზი უცნობია
• მეორადი - როცა გარკვეული დაავადების ფონზე ვითარდება.

მეორადი ჰიპერტენზიის მიზეზებია:

• ობსტრუქციული ძილის აპნოე
• თირკმლის პრობლემები
• თირკმელზედა ჯირკვლის სიმსივნე
• ფარისებრი ჯირკვლის პრობლემები
• სისხლძარღვების პათოლოგიები
• გარკვეული მედიკამენტები, მაგალითად, ჩასახვის საწინააღმდეგო, ტკივილგამაყუჩებელი, გაციების სამკურნალო მედიკამენტები
• არალეგალური მედიკამენტები: კოკაინი და ამფეტამინი
• ალკოჰოლის ჭარბად მოხმარება.

ჰიპერტენზიის განვითარების რისკს მნიშვნელოვნად ზრდის:

• ჭარბი წონა
• მარილის დიდი რაოდენობით მოხმარება
• კალიუმის მცირე რაოდენობით მიღება
• D ვიტამინის მცირე რაოდენობით მიღება
• ალკოჰოლის ჭარბად მოხმარება
• მწეველობა
• ნაკლები ფიზიკური აქტიურობა.

მომატებული არტერიული წნევა ხშირად უსიმპტომოდ მიმდინარეობს. იშვიათ შემთხვევაში ვლინდება სიმპტომები, რომლბიც საკმაოდ არასპეციფიურია:

• თავის ტკივილი
• ზერელე სუნთქვა
• ცხვირიდან სიხლდენა.

მომატებული არტერიული წნევის დიაგნოზი, წნევის საზომი აპარატის მეშვეობით, წნევის ციფრების განსაზღვრას ეფუძნება. 140 მმ.ვწყ.სვ მეტი სისტოლური და 90 მმ.ვწყ.სვ-ზე მეტი დიასტოლური წნევა უკვე მკურნალობას საჭიროებს.

მკურნალობა შემდეგ ღონისძიებებს მოიცავს:

• ცხოვრების წესის შეცვლა:

     - დიეტა და წონის კონტროლი

     - ნაკლები მარილი საკვებში

     - რეგულარული ვარჯიში

     - თამბაქოს მოხმარებაზე უარის თქმა

• არტერიული წნევის დამწევი მედიკამენტების მიღება.