ჰემოგლობინის ნორმალური მაჩვენებელი სისხლში:

• მამაკაცებისთვის 13.5-დან 17.5 გრამ/დეცილიტრამდე მერყეობს;
• მანდილოსნებისთვის 12.0-დან 15.5 გრამ/დეცილიტრამდე მერყეობს.

ბავშვებში ჰემოგლობინის ნორმალური მაჩვენებელი ასაკისა და სქესის შესაბამისად განსხვავებულია.

ნორმაზე დაბალი ჰემოგლობინის მაჩვენებელი ანემიისათვის არის დამახასიათებელი.

ანემიის მრავალი ფორმა არსებობს. ყველას სხვადასხვა მიზეზი გააჩნია. მიზეზებს შორისაა:

• რკინის დეფიციტი
• ვიტამინ B12-ის დეფიციტი
• ფოლიუმის მჟავის დეფიციტი
• სისხლდენა
• სიმსივნე, რომელიც ძვლის ტვინს აზიანებს, მაგალითად, ლეიკემია
• თირკმლის დაავადებები
• ღვიძლის დაავადებები
• ჰიპოთირეოიდიზმი
• თალასემია - გენეტიკური დაავადება, რომელიც ჰემოგლობინისა და სისხლის წითელი უჯრედების დეფიციტს იწვევს.

ჰემოგლობინის მომატებული დონე შეიძლება ქვემოთ ჩამოთვლილი მიზეზებიდან ერთ-ერთით იყოს განპირობებული:

• ჭეშმარიტი პოლიციტემია (სისხლის წითელი უჯრედების სიჭარბე)
• ფილტვის დაავადება
• დეჰიდრატაცია (გაუწყლოვნება)
• მაღალმთიან გარემოში ცხოვრება
• მძიმე მწეველობა
• დამწვრობა
• შეუპოვარი ღებინება
• ჭარბი ფიზიკური დატვირთვა.

ჰემოგლობისნის დონის ნორმიდან გადახრის შემთხვევაში შეიძლება საჭირო გახდეს დამატებითი გამოკვლევების ჩატარება.

მკურნალობა გამოვლენილ მიზეზზეა დამოკიდებული.